स्वयम्भू र बौद्धनाथको दर्शन गरेर स्वदेश फर्किए भुटानी राजा

काठमाडौं -अनौपचारिक भ्रमणका सिलसिलामा नेपाल आउनु भएका भुटानी नरेश जिग्मे खेसर नाम्गेल वाङचुक स्वदेश फर्किनु भएको छ । उहाँलाई परराष्ट्रमन्त्री डा. आरजु राणा देउवाले त्रिभुवन अन्तर्राष्ट्रिय विमानस्थलमा बिदाइ गर्नु भयो ।

शुक्रबार बिहान भारतको नयाँदिल्ली हुँदै काठमाडौं आउनु भएका भुटानी नरेश वाङचुकले स्वयम्भूनाथ र बौद्धनाथको दर्शनसहित पूजाआजा गर्नुभयो ।
भारतबाट स्वदेश फर्कने क्रममा उहाँ काठमाडौंलाई ट्रान्जिट बनाएर यहाँ ५ घण्टा बसेपछि फिर्ता हुनुभएको हो ।