१५ दिनभित्र बक्यौता नतिरे फेरि प्रक्रियामा लाग्ने कुलमानको चेतावनी

काठमाडौं- नेपाल विद्युत् प्राधिकरणका कार्यकारी निर्देशक कुलमान घिसिङले उद्योगीहरूले १५ दिनभित्र बक्यौता नतिरे पुनःआफ्नो प्रक्रियामा लाग्ने चेतावनी दिनु भएको छ । बुधबार पत्रकार सम्मेलन आयोजना गर्दै घिसिङले १५ दिनभित्र नतिरे आफ्नो प्रक्रियामा फेरि पनि लाग्ने बताउनु भएको हो ।

बक्यौता नउठे सरकार र ऊर्जा मन्त्रालयले जिम्मेवारीपूर्वक उठाउनेतिर अघि बढ्ने विश्वास लिएको उहाँको भनाइ छ उहाँले त्यतिबेलासम्म पनि बक्यौता नउठ्ने हो भने यो विषय ठूलो सरकारको विषय बन्ने बताउनु भयो ।

घिसिङले प्राधिकरणलाई विभिन्न निकाय र पक्षबाट औद्योगिक वातावरणलाई नकारात्मक दिशामा धकेलेको आरोप लगाउनु भयो । उहाँले प्राधिकरणले प्रदान गर्ने सेवासुविधामा आफूहरू गम्भीर रहेको जिकिर गर्नु भयो ।