प्रकाश भुजेलको गाडीले ठक्कर दिँदा दुई घाइते,चालक फरार

काठमाडौं -झाक्री प्रकाश भुजेल सवार गाडीले मोटरसाइकललाई ठक्कर दिँदा दुई जना घाइते भएका छन् । बा १९ च २६९५ नम्बरको भुजेलेको गाडीले ब्रम्हखेल पुलनजिक मोटरसाइकललाई बुधबार दिउँसो ठक्कर दिँदा मोटरसाइकलमा सवार दुई जना घाइते भएको बौद्ध प्रहरीले जनाएको छ ।

घाइतेहरुलाई उपचारका लागि शंकरापुर अस्पताल पठाएपनि उनीहरुको पहिचान खुलिनसकेको प्रहरीले जनाएको छ । ‘चालक फरार भएको अवस्था छ, थप अनुसन्धान भइरहेको प्रहरीले जनाएको छ ।